nanggigil ka na ba? naramdaman mo na ba yung pakiramdam mo ay inis na inis ka at gusto mong may masaktan o masira? yung tipong mapapakagat-labi ka at mapapangiwi sa yamot at sa pwersang gusto mong ilabas. gusto mong mantiris, mang-hampas, manakal, manabunot, manuntok, manampal; halos pati sarili mo ay gusto mong saktan sa inis na parang lahat ng nasa paligid mo ay PESTE at walang lugar sa iyong mundo. hinihiling mo na sana kaya mong gawin lahat kahit maging si superman o batman, si wonderwoman o darna. kahit role ni maricel soriano, nora aunor, christopher de leon. isama na rin sina lolit solis, nadia montenegro, at iba pang lumabas sa TV na galit na galit. parang nuclear bomb ang usok sa iyong ilong at may dala-dalang mga armado sinapa pati ang mga spartan at mga elves na pare-parehong lalabanan ang orcs pero disappointed ka dahil piccolo lang at espada ni voltez v ang dala-dala mo. at pagkatapos mong ilabas ang iyong galit ay napakagaan ng iyong pakiramdam at gusto mo namang magpahinga.
narito ang ilang bagay na masarap gawin pero nakakagigil:
narito ang ilang bagay na masarap gawin pero nakakagigil:
- mantiris ng kuto - tatanggalin mo ang matatabang kuto mula sa anit pati na ang mga lisa. iipunin sila sa isang papel at sabay-sabay at lalabas ang madaming dugo sa papel.
- paghiwalayin ang split ends - kahit anung suklay mo ay magpapakita pa rin ang tikwas ng iyong buhok at wala kang magagawa kundi bunutin ang buong buhok dahil kung hindi, magkakaroon ng isang hibla na alanganin sa haba ng iba pang buhok. ang nakakagigil ay pagkaliit-liit ng split end pero gusto mo syang paghiwalayin hanggang sa dulo ng hibla. pag hindi successful, hahanap ka ulit ng split end hanggang mawala nang lahat ng split ends sa ulo mo. e lahat ng buhok mo meron...
- umapak ng ipis - nakakadiri sila. nakakatakot lalo na pag lumilipad. ayaw na ayaw mong mapalapit sa kanila pero pag nagkaroon ka ng pagkakataong ihinto ang kanilang pakikibahay sa iyo, hahabulin mo sila hanggang sa kasuluk-sulukan at hahampasin ng tsinelas at tatawa ng parang demonyo habang nagsasabing: "Die, EPEZ, DIIIIIIEEEEEEE!" at ititwist mo pa ang paa mo para lumabas ang mga natitirang itlog at dugong mala-berde at parang nana. (bakla pala ipis noh? hahaha)
- tanggalin ang dry pimples, black heads at white heads - bad ang gawaing ito ayon sa mga derma. pero minsan di mo maiwasang kutkutin ang mukha mo. masakit lalo na pag hinog na hinog ang pimple mo na parang tumor sa laki at nagbeberde na rin ang nana. magugulat ka habang binibigkas ang mga katagang: "it's ALIVE! IT'S ALIIIIIVE!" so wala ka nalang magawa kundi hintayin ang pagtuyo nito with proper care at pagkatapos pag natuyo na ang pimple ay ready mo na pigain ang mala-bigas na bagay. yun nga lang, mukha ka nang buwan at magkakaroon ka pa ng peklat.
- pumatay ng lamok - masarap gawin pag gabi lalo na kung mainit at malamok. lalo na siguro pag brownout. makaramdam ka lang ng kati e hahanapin mo ang bampirang nananaba sa iyong dugo at gagawa ka ng paraan para hindi na sya makapambiktima pa ng iba. pag natigil sya sa isang mukha, hinay-hinay mong itatapat ang iyong kamay para biglang IHAMPAS ang iyong kamay at lalabas ang dugong dmo na mababawi. nagkaroon ka pa ng bagong kaaway -- ang nasampal mo ng hindi sinasadya.
Posts
